Prokuroria Themelore në Prishtinë ka njoftuar se ka ngritur aktakuzë me kërkesë për caktim të masës së paraburgimit ndaj të pandehurit me inicialet A.B. pasi që i njëjti dyshohet se ka kërcënuar deputeten nga radhët e Partisë Demokratike të Kosovës, Ariana Musliu-Shoshi.
Siç bëhet e ditur në komunikatë i pandehuri i lartcekur, më 02.05.2023, rreth orës 19:00, përmes rrjetit social “Facebook”, me dashje dhe me qëllim të frikësimit e ka kanosur seriozisht të dëmtuarën A.M-SH., deputete e Kuvendit të Kosovës, për shkak të detyrës së saj, ashtu që i pandehuri nga një profil në rrjetin social “Facebook” i drejtohet: “…sa te vije ne pushim… edhe dy muj i ke jete midis Prishtinës ka met masakrue…”.
Prokurori i Shtetit me rastin e ngritjes së aktakuzës i ka propozuar Gjykatës që të pandehurit t’i caktohet masa e paraburgimit dhe i njëjti të shpallet fajtor dhe të dënohet sipas ligjit për veprën penale e cila i vihet në barrë./Arbresh.info/
Departamenti i Shtetit miratoi shitjen e mundshme të armëve ...
NATO rithekson angazhimin për stabilitetin rajonal
Reuters: Kërkesa për vendosjen e ushtarëve izraelit në Gaza ...
Merr flakë një automjet Fier, nuk ka të lënduar
Gati një orë pritje në Merdarë për të dalë nga Kosova
Haxhiu: Si Qeveri e Ministri kemi bërë përpjekje maksimale p...